suam animam replet, tribus replet eam, scilicet paupertate quam
nunquam vitabit ut ad divitias pertingat, fiducia que nunquam
perveniet ad finem, et impedimento sine aliqua expeditione. Et
dixit: indigenti castigatione de celando secreta, nunquam secretum
communicetur. Et dixit: maius est sensato cura procedere,
quam fatuo, ultra. Et quesivit quidam: qualiter aqua maris est
salsa? Respondit: referas mihi profectum quod de hoc habebis,
et dicam tibi. Cui dixerunt: quid lucratus es per scientiam? Respondit:
sum velut homo exspositus littore maris ad videndum
simplices et ignaros qui girant se in undis maris. Et dixit:
libertas est servire homini bono, et quanto magis servit ei, tanto
liberior efficitur. Et dixit: non sequaris cupiditates tuas, et
quiescas in loco perditi. Et dixit: qui querit amicos habere
experiatur primo in se ipso an possit suis repugnare cupiditatibus;
et si poterit, bene vivet cum amicis, si non, valentius est
sibi desistere quam in malis suis moribus gravare eosdem.
Et dixit: mulieres sunt laquei parati, in quos non incidet nisi
aut volens, aut incautus. Et dixit: nullum est maius impedimentum
ignorancia, nec malum molestius muliere. Et vidit mulierem
ferentem ignem; cui dixit: delato molestior est delatrix.
Et vidit quandam mulierem infirmam et egrotam, cui
dixit: malum cum malo quiescit. Et vidit quandam mulierem
traditam ad tumulandum, et mulieres alias plorantes post
eam; et dixit: quia perditur malum, malum tristatur. Et vidit
quandam puellam discentem scribere, cui dixit: non multiplices
|
|