46

infugaverunt, quibus nichil lesionis facere potuerunt. Ianuenses, considerantes quod nullum
detrimentum Pisanis facere potuissent, se ad terram quem citius contulerunt, et usque ad
Addi, noctu, cause navigaverunt, ibique IIIIor predictas Pisanorum galeas, hominibus in eis
dormientibus et nichil sentientibus, cum magno fremitu, nono kal. Madii ceperunt; et sic per
totam Provinciam usque Ianuam redierunt. Eodem vero anno, due Pisanorum galee super
Saonam navigaverunt; quas Pisanorum galeas due Saonensium galee bene armate cum alia
veniente de Ianua infugarunt, et unam galeam Pisanorum de iam dictis duabus velum collantem,
IIIIor kal. Sept., ceperunt, alia evasit.
A.D. MCLXVIIII, indictione prima. Lucenses Pisanis guerram idus Madii facere inceperunt,
sicut Ianuensibus sacramento promiserunt, et eodem die maiorem partem Cose igne
cremaverunt. Postea vero, XVII kal. Iunii, Lucenses bene parati militum, peditum et sagittariorum,
venerunt ad castrum dictum de Asciano, et castrum fortiter pugnaverunt. Pisani
autem, male ordinati et increduli, ad defendendum castrum properaverunt, et cum paucis
militibus et peditibus Lucenses in fugam converterunt, et ex eis multi ceciderunt, de quibus
aliquantuli militum et peditum capti fuerunt. Videntes Lucenses quod pauci eos infugassent,
ad bellum viriliter conversi Pisanos usque ad castrum et ultra in fugam converterunt et de
eis XX meliores milites et maiores natu et XXXVIIII pedites ceperunt, et sic Lucenses cum
magno honore Lucam rediere. Post hec, XVI kal. Aug., Lucenses XII de maioribus et fortioribus,
scilicet Lanbertum Maiorem, Sigerium Gualandi, Bulgarinum quondam Uguicionis
Beriti, Gerardum Barattulam filium Ugonis Hodierne, Bonaccursum quondam Marignani Alabarba,
Ugolinum filium Baldicionis Digrignati, Lanbertuccium nepotem Battepalee, atque
Ubertum quondam Sicerii Carbonis filium Bonaccursi de Via Maiore et Silvanum ac
filium Petri Altilie Ianuensium consulibus dedere, qui Ianuam pro captivis duxerunt et eos in custodia
retinuerunt. Unde Lucenses malam famam per totam Tusciam habuere, quia Pisanos
captos in aliam provinciam transmiserunt.
A.D. MCLXVIIII, indictione prima, in mense Iunii. Cum Phylippus cancellarius imperatoris
Frederici esset Luce, et Lucensium et Ianuensium consules rogaret ut ei ducatum
amore et fide litate Imperatoris usque in Provinciam prestarent, et ut auxilium de hoc ei inenderent
multis precibus flagitaret: timebat enim ire per partes Lonbardie, eo quod rebellis
facta erat Imperatori: quod facere recusaverunt propter amorem civitatum Lonbardie. Cancellarius
vero, de predictorum auxilio diffidens, a Pisanorum Consulibus suffragium dilectione