in ripa fluminis remanserunt, capti fuerunt; alii vero per
predictum pontem ultra Tyberim in Ysolella fugientes in
Roma se recollegerunt.
Postera namque die imperator cum Romanis fedus iniens
a Roma discessit. Et usque Anconam procedens multas civitates
multosque principes sue ditioni ac potentie subiugavit.
Ibique in Apulia et Romania per totam estatem et etiam
per yemis partem versatus tandem in Alamaniam reverti
proposuit.
Itaque cum ipse imperator in Alamaniam rediret, Spoletum
inveniens ibi non multum longe a civitate ipsa hospitatus
est. Ac cum ipse nihil mali illis de Spoleto adhuc illatum haberet,
illi tanquam furiosi et sine mente aliqua, cum imperator
cum suis ad prandium sederet, foris Spoletum, ut mihi relatum
est, armati exierunt ac cum hominibus imperatoris statim
se commiscuerunt. Imperator igitur hoc audiens valde perturbatus
est ac suis militibus, quatenus arma caperent et viriliter
pugnarent, precepit. Ipse vero imperator cum exercitu
suo ita robuste pugnavit, quod multis ipsorum de Spoleto
|
1
5
10
15
|