continuo subjunxit: Nam virtutes coelorum
movebuntur; et tunc videbunt filium hominis venientem
cum potestate magna et majestate . Videamus itaque,
ne forte melius intelligatur, non ea modo impleri
quae praedicta sunt in illis verbis, sed tunc potius
esse ventura, quando sic erit tribulatio universo
orbi ut ad Ecclesiam pertineat quae in universo
orbe tribulabitur, non ad eos qui tribulant eam.
Ipsi enim dicturi sunt: Pax et securitas , ut repentinus
illis superveniat interitus, et eos adventus Domini,
sicut fur in nocte, comprehendat.
6. AUGUST. ( expos. psal . CXXXI, tom. VIII). Nocte
dormiunt . Noctem dicens iniquitatem, in qua illi
obdormierunt cupiendo ista terrena, et omnes istae
felicitates quae videntur saeculi, somnia sunt dormientium;
et quomodo qui videt thesauros in somniis,
dormiens dives est? sed vigilabit et pauper
erit: sic omnia vana ista hujus saeculi, de quibus gaudent
in somno. Evigilabunt quando nolunt, si non
modo evigilant quando utile est, et inveniunt somnia
fuisse illa
7. AMBROS. Et sive vigilemus , id est, sive secundum
praesentem vitam in adventu Domini habeamus,
sive egressi fuerimus a vita hac omnes vitam incorruptam
acquiramus.
8. LANFR. Ut noveritis eos . Genus locutionis, cum
dicimus cui nihil dare volumus: Non nosco te
nescio te.
9. AMBROS. Ut habeatis illos , id est, plurimo honore
dignos existimate, non resultantes quando vos
|
|