aliquam particulam in ęcclesiis eorum potestati subditis dandam.
et omnia corpora sua in ipsis terris morientia in nullo cimiterio
nisi Sancti Iohannis sepeliant. et si omnes has promissiones non
observaverint, componant huic monasterio optimos bizantos .C.
item, Rapizo filius Crescentii et Rainerius filius Iohannis Boni
promiserunt domno Berardo abbati ut adiuvent nos ad defendendum
et retinendum res Rainerii filii Zazonis et acquisitas vel
acquirendas de fundo Repasto. et si aliquid inde contrarium
contigerit, cum omni posse sint nobiscum ad recuperandum. et
non vendant neque permutent aut aliquo modo alienent nisi in
hoc monasterio. quod si omnia hęc non observaverint, componant
nobis .C. bizantos romanatos. item, Rodulfus ępiscopus
Narniensis et abbas monasterii Sancti Cassiani cum
maiori parte monachorum eiusdem monasterii refutavit huic monasterio
et domno B[erardo] abbati per nostrum monachum
Iohannem grammaticum omnem litem quam habuerat contra
nos de rebus Petri pręsbyteri Farisinde. item, Morinus et
Iohannes filii Petri concesserunt huic monasterio res suas prope
Torritam et Scage ubi dicitur Serra. item, Ioseph filius
Rusticelli cum consortibus suis omnibus Guidoniscis concessit huic
monasterio et domno Berardo abbati res suas territorii Sabinensis
et comitatus Reatini, idest castrum Antoni, et portionem de
rocca Salicis, et de castello Colle Longo, et castellum Vecclum,
et Petram Baldam, et de Aqua Meza, et castellum Vulgarecta.
item, quidam homines de castello Terraniano fecerunt promissionem
et obligationem huic monasterio et domno Berardo abbati
de portione sua eiusdem castelli. item, Ildebrandus filius
Odelerii cum Rosa uxore sua et Franco pręsbyter filius eorum
concesserunt huic monasterio portionem suam de castello Stronconi,
et de fundo Palatiano, et de fundo Lepozica petias .VII.,
et de fundo Cerreta, et de Campo de Adam, et de fundo Monte
Maio, et de fundo Pedicinulo, et de fundo Tassenara, et de fundo
Fabrice, et de fundo Canapinę, et de fundo Valle Ovellana, et
|
|