cancellarius, ad vicem Huberti episcopi et archicancellarii, recognovi
et subscripsi. Data, pridie kalendas iulias, anno Dominice
incarnacionis .DCCCCLXVII., imperii vero domni Ottonis serenissimi
Cesaris .VII., indiccione .XI. Actum in monte, ubi Stafulo Regis
dicitur, in Dei nomine feliciter, amen).
PRECEPTUM DOMNI OTTONIS IMPERATORIS DE SERVIS.
IN nomine Sancte, et Individue Trinitatis. Otto, divina favente
clemencia, imperator augustus. Omnium Sancte Dei ecclesie nostrique
longe lateque imperii fidelium noverit industria, Paulum
abbatem monasterii Sancti Vincencii, interventu Pandulfi principis,
et marchionis nostri fidelis dilectissimi, adiisse nostram clemenciam,
proclamans se de quibusdam famulis sui monasterii, qui alias
diversas presumtive partes petunt, et callide dato precio inquirunt
sibi causatores, ut sint eis testes libertatis, et componere faciunt
sibi noticias, ut hac occasione liberi esse valeant, et a servicio monasterii,
cui debent servire legaliter eruti. Nos vero, dum talia
audivimus, pro redempcione anime nostre, et statu monasterii
predicto abbati, suoque monasterio nostre auctoritatis, et confirmacionis
iussimus fieri paginam, ut in quocumque loco illi iudicatus
inventi fuerint, sive in marchionum presenciam, vel episcoporum,
|
|