Roffrida de Lusensa, et aliis multis maioribus, et minoribus: prenominatus
domnus Liutfredus abbas contra predictum Albertum
monachum et presbiterum est conquestus de cella Sancte Marie
Castanieto posita, sicut superius est predictum. itaque diligentissime
a domno Leone, summo pontifice res hec exquisita, atque
ventilata, dum prenominato Alberto nulla iusticie pars faveret, totaque
iudicialis sanctio legaliter monasterio Sancti Vincencii preciosissimi
martiris, eiusque rectoribus et abbatibus id in perpetuum
censendam adque confirmandam adiudicaret iudiciali sentencia et
canonica, prenominatus Albertus presbiter ecclesiam, seu cellam
Sancte Marie cum nomine et officio abbatis refutavit in manus
domni Leonis pape, qui monasterium Sancti Vincencii, eiusque
abbatem domnum Liutfridum ex predicta Sancte Marie cella in
Castanieto posita, cum omnibus iusticiis suis investivit, et in perpetuum
ita valere constituit. penam eciam omnibus temeratoribus
ab nunciis imperatoris Heynrici prefixam confirmavit, et sub
anathemate perpetuo alligavit. Ego Leo sancte Romane apostolice
Sedis presul confirmavi. Ego Humbertus sancte Ecclesie Silve
Candide dictus episcopus interfui, cognovi et subscripsi. Ego Fredericus
sancte Romane Ecclesie bibliothecarius, et cancellarius
interfui et subscripsi. Ego Petrus sancte Amalfitane Ecclesie
archiepiscopus confirmavi, et subscripsi.
MULTAS quoque possessiones monasterii suo studio recollegit
idem pater Liutfridus. et quia hic illum multe tyran<n>orum
persecuciones premebant, multis eum compellantibus fratribus
plerisque sequentibus, hac habitacione relicta, pro quiete pacis,
|
|