XIII
In sancti Marci euangeliste
1. Iam nunc per omne lux refulget saeculum,
lux illa patris, quae lucet de solio,
quae fons, origo, splendor lucis aureae
habensque semper lumen indeficiens
caelum serenat arcens mundi tenebras.
2. Huius sacrato lucis de uibramine
suscepit almum radium sub pectore
Marcus beatus doctor euangelicus,
factus lucerna more tanti luminis,
ardens fugauit saeculi caliginem.
3. Aureis septem unum de candelabris
cingitque totum mundum claro sydere
septem columpnis una de candidulis,
ecclesiarum nititur sub culmine,
sustentat altae fundamenta fabricae.
4. Quartum quod olim uiderat Hiezechihel
propheta sanctus, animal lectissimum
uidit Iohannes ceu Christi recubitor,
leonis recte tipice sub specie
clamore multo per deserta frendere.
|
|