tunc. Et eo anno pax illorum de Padua et de Verona
facta fuit. Et pars imperii similiter recessit de civitate Bononie.
Et eodem anno, in mense Septembris, pars imperialis recessit de
civitate Vercellis.
De discordia que fuit inter clericos et laycos civitatis Regii occasione
decimarum.
Et eodem anno, in mense Octobris, orta fuit discordia inter
dominum Guilielmum episcopum Reginum et clericos civitatis
Regii et de episcopatu suo, ex una parte, et dominum Degum,
capitaneum populi, et populum Regii ex altera, occasione decimarum,
ex eo quod clerici nimis videbantur velle accipere ab hominibus
populi et totius civitatis. Et propterea dominus capitaneus
uná cum XXIIII defensoribus populi quedam statuta fecerunt
contra laycos collectores dictarum decimarum; occasione quorum
statutorum dominus episcopus excommunicavit dictum capitaneum
et XXIIII defensores et totum consilium populi generale. Et
insuper totam civitatem posuit sub interdicto. Et iratus populus
de predictis elegerunt alios XXV de populo, inter quos fuerunt VII
iudices. Et in dictis XXIIII erant IIII indices. Et fecerunt multa
statuta prava contra clericos: primo, ut nullus deberet solvere
eis aliquam decimam nec dare eis consilium, adiutorium vel favorem
nec cum eis ire ad comedendum nec cum eis stare ad serviendum
nec cum eis facere aliquas mercationes nec loqui eis nec
stare in domibus eorum nec super meçadhriis eorum nec eis
dare bibere vel comedere, et alia quam plura (et in quolibet casu
predictorum maximam penam imposuerunt), nec etiam eis molere
nec panem in furno coquere nec barbam radere nec aliquod
magisterium eis facere, assumentes sibi dicti sapientes auctoritatem
propriam dicendi, statuendi et ordinandi ad eorum arbitrium
et voluntatem quicquid ordinare voluerint super predictis.
Que postea eis fuit confirmata per consilium populi generale.
Et iura omnia supradicta firmari et servari tam super populum
singulariter quam per milites et omnes alios bones viros. Et illa
|
|