Thome habetur. Est autem urbs porrecta per longum
per passus circiter mille; munita quidem est a
meridie tanto fluvio, aquis profundo, a ceteris
partibus lata fossa, aggere et vallo.
Turres autem in aggere constructe sunt circiter
.xviii., inter quas est parva distantia. Habet
etiam civitas burgos duos in ripa fluminis
fossis et aggeribus septos, qui habent longitudinis
passus quingentos. Superior contiguus est arci
Castri Thealdi, inferior infra ecclesiam sancti
Thome porrigitur, habens tres magnas parochias.
Civitas ipsa cum burgis iam dictis in quatuor
partes, que nominantur quarleria, segregatur.
Pars superior cum burgo dicitur quarterium
Castri Thealdi, sequens dicitur quarterium sancti Nicolai,
tertia quarterium sancti Romani, quarta cum
burgo inferiori quarterium sancte Marie de Vado. Si
ecclesiarum in hiis partibus civitatis sitarum
numerus queratur, .xxxvii. computantur,
quarum preter episcopalem ecclesiam
.xviii. a capellanis habentur episcopo
subditis, relique totidem suos prelatos habentes,
que sunt ab episcopo abdicate.
[X] Cum civitas Ferrarie immensitate et fertilitate
agrorum, paludium, silvarum et tanti fluminis
|
515
520
525
530
535
|