VIII, 10: ?De multiplice petitione? Multiplex est illa oratio vel petitio qua plura petuntur ut da michi vinum, da mihi panem.
IX: Quid sit conclusio Conclusio est oratio qua terminatur epistola et qua ostenditur quid utilitatis vel incommodi negotium conferat.
IX, 1: Quot modis fiat conclusio Que fit quattuor modis: aut enim sic fit quod in utraque distinctione erit affirmatio vel in utraque negatio, vel in primum affirmatio et in altera negatio, vel in prima negatio et in altera affirmatio, quarum omnium subponitur exempla. In utraque distinctione erit affirmatio taliter: quod quidem, si facere volueris, meum amorem semper habere valebis; vel in utraque erit negatio, taliter: quod quidem, si facere contempseris, gratiam meam ullatenus habere valebis ; vel in prima affirmatio in altera negatio, taliter: quod nimirum si executioni mandare malueris gratiam meam non habebis; vel in prima negatio, in altera affirmatio, taliter: quod profecto si non feceris meam dilectionem indesinenter habere valebis.
Explicit alius tractatus de dictamine.
|
|