egredi vellent et Cremenses omnes masculi et femine cum tanto
impe[dimento] vellent exire, quantum una vice foris castrum
portare possent, quod ipse eos omnes sic immunes permitteret
exire ac ipsis taliter vitam, qua privari digni fuerant concederet;
quod nisi facerent, nullum pactum aliud nullumque
fedus nullamque treguam se ipsis aliter in toto tempore vite
sue facturum promisit. Legati vero verbum imperatoris sic
stabile audientes intra castrum statim reversi sic per ordinem,
ut ab imperatore audierant, Mediolanensibus et Cremensibus
atque Brixiensibus simul convocatis recitaverunt. Consules
vero Cremenses et Mediolanenses cum sapientibus Mediolanensibus,
qui aderant ibi, et Cremensibus ac Brixiensibus
consilium inientes et omnia, que a legatis audierant, inter
se conferentes, scientes etiam imperatorem adeo fore constantissimi
animi, quod, fere omnia que iam inceperat donec
ad finem perduceret, non destiterat — ut in destructione
Terdone atque in Mediolani obsessione et in multis aliis
cognoverant —, omnes unanimiter firmaverunt: pacem pocius
esse sic faciendam seseque omnes et castrum imperatori
tradendum ipsique satisfaciendum ac ipsos vivos
exire de castro, quam ipsum castrum per aliquod tempus
defendere, postremum tamen in bello captos esse
|
1
5
10
15
20
|