Petrus de Vinea: Epistolarum libri VI. Tomus II

Pag 132

Tomus II


in servitiis vestris mansi, et maneo:
supplico misericordiae vestrae, quod cum olim
ego et progenitores mei, fideles vestri, habuerimus
et tenuerimus quartam parrem Capistrelli,
quod nuper ad manum vestram reduci fecistis,
super hoc misericorditer providentes,
dignemini in aequivalenti ex cambio providere:
propter quod in servitiis vestris valeam continue
permanere, et me cum familia mea, ad
honorem vestrum, et commodum meum
sustentare.
Cap. CXV.
Literae securitatis, et conductus nunciorum,
in eundo et redeundo.
Universis etc. Cum R. comitem de Laureto
et L. de Landellis, Curiae nostrae judicem,
latores praesentium, fideles nostros,
ad partes Papiae, pro quibusdam arduis
Excellentiae nostrae servitiis destinemus: fidelitati
vestrae praecipiendo mandamus, quatenus
ipsos, cum equis, familia et rebus eorum,
secure permittatis in eundo et redeundo transire,
nullam eis molestiam inferentes, nullumque
ab eis pedagium exigentes: quinimo ad
inquisitionem eorum in celeri et securo conductu
provideatis eisdem: ita, quod processum
ipsorum, ob defectum vel moram conductus,
impediri vel tardari aliquatenus non contingat.
Cap. CXVI.
Super inquisitione facienda, super quibusdam
articulis contra moniales.
Pridem contra moniales quasdam Monasterii
sancti Juliani de Brixia, super quibusdam

Torna all'inizio