CAP. I.—1. LANFR. Multifariam , etc. Conscius
indignationis et invidiae eorum audito nomine Pauli
apostoli, solita cessat salutatione, etsi ideo ejus
Epistola denegatur, quia ejus nomine non titulatur;
nullius esse, simili ratione probatur.
2. Multifariam . Ut de propheta cui praecepit
uxorem accipere fornicariam ( Ose . I). Et de illo cui
praecepit ponere lumbare sub lapide, et post quadraginta
dies visere, quod visens invenit quia computruit
( Jer . XIII). Et de illo cui praecepit panem
suum tegere humano fimo; sed quia non posset comedi,
post praecepit tegi bovino ( Ezech . IV).
3. Multifariam , id est, aliquando prospera, aliquando
adversa praedicens, aliquando prophetarum
verbis, et aliquando eorum factis futura ostendens.
4. AMBROS. Multisque modis . Tota intentio B. Apostoli,
in Epistola, Hebraeos ad fidem Christi convocare,
eminentiamque gratiae, quae per Filium data
est, a legalibus discernere verbis.
5. LANFR. Locutus est nobis in Filio , etc. Commendato
Filio, commendat Novum Testamentum ab
ipso datum; et humiliatis angelis, humiliatur per
illos Vetus datum.
6. AMBROS. In Filio , quasi diceret: Per Filium,
sicut in multis locis Epistolarum invenitur praepositionibus
indifferenter uti.
7. Haeredem , hoc est Dominum totius mundi, nec
jam portio Domini tantum Jacob, et sors ejus Israel,
sed sicut in psalmo de eo legitur: Postula a me, et
|
|