7. LANFR. Quae cum initium . Diceret quis: Quis
nobis annuntiavit illam salutem? Respondet: Quae
cum initium , etc.
8. Angelis . Adhuc persistit in eodem, volens probare
differentius prae angelis Christum habere
nomen.
9. Orbem . Orbem terrae hic intelligit universitatem
omnis creaturae in futuro saeculo; de qua terra alias
dicitur: Portio mea in terra viventium .
10. AMBROS. Testatus est . Cur nomen prophetae
non posuit? Existimo non abscondentis affectu, sed
ostendentis multam eos habere scientiam
Scripturarum.
11. Filius hominis . Visitavit cum Verbum caro
factum est, et habitavit in nobis ( Joan . I). Nam visitare
dicitur, quando medicus ad infirmos
ingreditur.
12. Ab angelis . Bene autem dixit: paulo minus ab
angelis , quia etsi corpus mortale assumpsit, tamen
peccatum non habuit.
13. LANFR. Eum autem . Ordo: eum autem Jesum
qui modico quam angelis minoratus est propter passionem
mortis, ut gratia Dei pro omnibus gustaret
mortem, videmus gloria et honore coronatum; et
est hyperbaton, id est, ordo confusus, qua figura
frequentius utitur in Epistola hac.
14. Mortis . Quasi aliquis diceret: An Deus Pater
morti tradidit Filium suum? Ita, inquit: Qui enim
sanctificat, et qui , etc.
15. Mortis, gloria , id est, mortis ita susceptae, ut
pro salute hominum gustaret mortem, hoc est cui
jungitur: Ut gratia Dei pro omnibus gustaret mortem ,
alioquin nisi gustaret pro omnium salute mortem,
cassa esset et irrita.
16. AMBROS. Ut gratia Dei . Ipsum gratiam nominat,
qui pro omnium salute gustavit mortem;
proprie gustavit, quia brevi tempore in illa fuit.
|
|