Petri Cantinelli: Chronicon

34


censeantur et cuiuscunque conditionis existant. Et nichillominus dicti procuratores et sindici
similiter conpromittentes in nos, dederunt et concesserunt nobis, nomine dictarum partium, liberum
et generale arbitrium et arbitramentum in predictis et quolibet predictorum et pertinentibus
ac spectantibus ad predicta, nobis partes predictas et homines dictarum partium, alte
et basse ac plenarie, supponentes ad promittendum et dandum obsides, munitiones et castra,
fideiussores et securitates ad mandatum et voluntatem nostram, et super omnibus et singulis in
huiusmodi conpromisso contentis, et prout in huiusmodi mandato semel et pluries et quotienscunque
processerit, prout in instrumentis publicis inde factis plenius continetur. Nos
autem, conpromisso ipso recepto, ad tante concordie commodum frequentibus studiis intendentes,
venerabilem fratrem Latinum Hostiensem et Velletrensem episcopum, apostolice sedis
legatum ad partes illas, propter hec inter alia, duximus, tanquam pacis angelum, destinandum.
Sed quia affectus optate concordie ultra concepta desideria trahebatur, de quiete ac statu
prospero ipsorum civitatis et civium tractatus per nos ipsos assunpsimus, et per alios etiam super
hiis apud sedem apostolicam tractari fecimus diligenter, et tandium ad premissa eo ferventius
studia nostra convertimus, illaque sensibus nostris infiximus, quanto iidem civitas et incole
ad nos et ad eandem ecclesiam dignoscuntur specialiter pertinere, ac ipsorum statum pacificum
desiderabilius affectamus; sicque negotio ipso et ipsius contingentibus plene discussis, et super
omnibus deliberatione habita diligenti, ad laudem Dei, pro bono pacis et quiete desidentium,
tam [apostolica quam arbitraria potestate, sicut arbiter, arbitrator et amicabilis conpositor
in hac parte, ac etiam sicut civitatis predicte dominus temporalis, ordinamus, diffinimus,
statuimus, decernimus, dicimus, precipimus, mandamus et etiam arbitramur.
In primis, ut hesitantium corda diutius, proh dolor! odiorum fomitibus concitata reconciliationis
licore placentur, et facilius animorum integritas perfusione superne gratie subsequatur,
quod infra unum mensem, postquam per nos ad ipsius civitatis regimen deputanda
persona civitatem eandem intraverit, et huiusmodi regimen inceperit exercere, de parte ad
partem fiat pax solida generalis, per sindicos ad hoc a partibus specialiter ordinatos. Que
quidem pax primo per sindicos ipsos iuretur, et subsequenter, facta per eosdem sindicos
iniuriarum et danpnorum usque in diem conpromissi facti in nos hinc et inde remissione
plenaria et etiam generali, ita tamen quod hec remissio ad bona immobilia et etiam mobilia
extantia, que mobilia non sunt inedificata, affissa, inmissa vel iniuncta, quinquaginta persone
de parte qualibet eligantur per personam deputandam a nobis ad hoc, que, nomine partium
earundem, pacem adinvincem faciant, quam bona fide promittent et iurent, quantum in eis
est, per se ac alios inviolabiliter observare et facere observari. Fiat quoque pax integra singularium
personarum, de quibus nobis expedire videbitur, vallanda iuramentis et aliis firmitatibus,
prout per nos vel alium, de mandato nostro, extiterit ordinatum.
Ad easdem quidem partes, que diutius dissidiosis dispendiis languerunt, conpassionis
animum convertentes, ut quando nos sibi benigniores invenerint, tanto dulcius cicatrices vulnerum
solidentur, et quies utrinque liberius in gratiarum refectione concrescat, omnes sententias
sive banna, contumacias, per quoscumque prolata, occasione partis, a tenpore rumoris,
ut eorum verbis utamur, bonorum quoque publicationes per quoscumque factas, et quicquid
secutum est ex eis vel ob id, auctoritate simili relaxamus, cassamus et etiam irritamus, ac volumus
de cetero nullius existere firmitatis. Condenpnationes autem pecuniarias, que facte
dicuntur per quondam Guillelmum de Pusterula, tunc potestatem bononiensem, tenpore predicti
rumoris, quia de ipsis condenpnationibus et modis earum nobis non liquet ad presens,
nostro arbitrio reservamus. Si qua autem statuta, mandata, sententie vel processus habita
sunt in predictis per venerabilem fratrem nostrum L. Ostiensem et Velletrensem episcopum,

Torna all'inizio