sibi tributa usque ad Senam la veglam in quodam lectulo
supra duos equos facto a scutiferis suis se duci fecit. Ibique
plus de duodecim hebdomadis iacens infirmus, postremo die
Mercurii, que fuit quartodecimo die ante kalendas Novembris
in M°C°LXVII° anno de indictione prima, in festivitate sancti
Luce evangeliste ibi mortuus est et apud ecclesiam sancti …
scitam in suburbio civitatis Sene prope viam Romeam sepultus
est. De quo cum imperator audivit, ipse et omnes,
qui eum eo usi fuerant aut qualitercunque eum viderant et
cognoverant, valde condoluere, quoniam ab omnibus, qui eum
cognoscebant, pernimium propter suam benignitatem diligebatur.
Imperator igitur cum suos principes, episcopos multos ac
duces seu marchiones atque comites, capitaneos et scutiferos
sic nimia strage corruere vidit, in castris multis infirmis
relictis, quos etiam postea Romani orco tradiderunt, castris
defixis Romam deseruit ac versus Tusciam remeare cepit.
Deinde iam dicto papa Paschale [in] civitate Viterbii cum
|
1
5
10
15
|