Benzo Albensis : Ad Heinricum IV. imperatorem libri VII

Pag 448


Bellum egi cum Prandello atque cum Badaculo,
Qui thesaurum sancti Petri ponebant in sacculo;
Eos expuli ab arca potitus pinnaculo.

Omnes nobiles Romani nati ex patriciis
Erant mecum colligati arcę beneficiis;
Capricornes tuebantur solis glandariciis.

Decet tantum seniorem servo vicem reddere,
Quem blandicie nec mine cogunt terga vertere,
Qui non timuit pro eo semet ipsum perdere.

Cesar, spes aecclesiarum, stude sapientię ,
Quę tibi servabit arcem Romanę potentię,
Ante te vadens cavebit gonos fraudulentię.

Nam si rex phylosophatur, quid est gloriosius
Hoc fecit Iustinianus, hoc et Theodosius;
Id exsequere, quod constat auro preciosius.

Imperator HEINRICUS, pater tanti filii,
Sapienter rexit sceptrum summi domicilii
Septem artibus ornatus ad instar Pompilii.

Torna all'inizio