per quam, sicut per famam audivimus, licet
haec credere minime debeamus, contradicente
saniori parte fratrum suorum Cardinalium,
de quorundam Cardinalium
Lombardorum consilio, excommunicationis
vinculo nos dicitur adstrinxisse, praepeditis
nunciis nostris, per fautores et satellites
suos, de patrimonio pauperum solidatos, qui
jam applicuerant, ne ad allegandam nostram
innocentiam et justitiam, ac demum satisfactionem
offerendam, etiam
ad praesentiam suam et aspectus publicos pervenirent.
Sed esto, licet nos singulari
quadam et publica infamia Papam offendissemus,
o quam perperam et inordinate
contra nos processit, et bullientem intrinsecus
spiritum nisievomuisset, suam
nequitiam editurum, interius crepuisset.
Dolemus tamen, et ex corde turbamur
propter verecundiam universalis Ecclesiae matris
nostrae, quam Dominus Jesus Christus sub
specie virginis gloriosae, in passionis testimonio
discipulis commendavit nobis per talem,
quem merito judicem non habemus,
nullam nobis posse fieri justitiam [licet