XXXI. – DE UTILITATIBUS NON DANDIS FORENSIBUS.
Item statuerunt et ordinaverunt quod non sit aliqua mulier
dictae vallis Diverii cuiuscumque conditionis et status existat,
nupta vel quae nubet in futurum extra confines dictae vallis
alicui homini habitanti extra dictam vallem, neque alia aliqua
persona habitans extra confines dictae vallis ratione haereditatis
et successionis mulierum, videlicet tam matrum quam
uxorum non habeat nec habere possit nec debeat nec modo
aliquo percipere voltum nec partitam ballarum in dicta valle
Diverii, nec aliquam utilitatem Alpium, nec strata, nec aliquam
aliam utilitatem comuni et universitati dictae vallis spectantes
et pertinentes et imminentes ratione personae et vicinantiae, nec
ad praedicta munera et utilitates, nec ad aliquam ipsarum de
cetero admittantur aliquo iure cum vicinis et hominibus dictae
vallis Diverii habitantibus. Et qui contrafecerit vel venerit
prout et sicut forensis et tanquam forensis puniatur.
XXXII. – DE NON CAPIENDO NEC AEDIFICANDO SUPER
TERRITORIO COMUNIS.
Item statuerunt et ordinaverunt quod non sit aliqua persona
undequaque sit quae ab anno Domini MCCCXXIII in antea audeat
nec praesumat lavare aliquam pressam intra confines dictae
vallis super territorio dicti comunis: nec aedificare nec aedificari
facere super dicto territorio, nec claudere seu accipere aliquid
de dicto territorio, nec claudere, nec occupare aut distorbare
aliquam stratam viam seu aliquod iter supra dicto territorio
in dicta valle detineri. Et qui contrafecerit vel venerit det et
solvat pro poena et bano libras decem imperiales. Cuius poenae
medietas sit curiae materellae et alia sit accusatoris. Et
quilibet fide dignus possit accusare. Et quod consules et credentiarii
suprascripti teneantur et debeant incontinenti aliquid
captum, clausum aedificatum, occupatum seu disturbatum
super dicto territorio devastare, proyicere et comburere omne
id et totum quod factum fuisset contra praedictum statutum
super territorio praedicto sub poena debiti sacramenti.
XXXIII. – DE POENIS PARTITORUM BALLARUM.
Item statuerunt et ordinaverunt quod omnes partitores sostae
ballarum et partitae dictae vallis Diverii qui sunt et qui pro
temporibus erunt, teneantur et debeant dare et prestare bonas
sicuritates et fideiussores in manibus consolum et credentiariorum
comunis dictae vallis Diverii, solventes omne id et totum
|
|