Maiestate iuvet atque favore suo,
Cuius ad intuitum Venusine gentis alumpnus
Iudex Richardus tale peregit opus.
Materiam nostri quisquis vis nosse libelli
Hec est: Paulino nubere Polla petit;
Ambo senes, horum tractat sponsalia Fulco,
Cuius adit tremulo corpore Polla domum.
<Polla, Fulco >
Dimisso baculo, quo se gradiendo regebat,
Dixit ei: "Nostre lucifer urbis, ave!
Te Venusinorum gens diligit et veneratur,
Altus et inferior te vehementer amat;
Tu viduis solamen ades, tutela pupillis,
Plus prece quam pretio fers miseratus opem;
Mitibus es mitis, crudus crudelibus instas,
Impendis proprium, non aliena petis;
Respuis elatos, quia nulla superbia tecum
Participat: solito queque superba cadunt;
Moribus innumeris tua pectora semper habundant,
|
|