duo de ambaxiatoribus Venetorum Venetias sunt reversi, qui tandem
post expectationem diutinam ad curiam redierunt. et
quoniam dicti ambaxatores sciebant de armamento tam inclito,
tam nobili, tam potenti, quod videbantur facere Ianuenses, ideo
per quosdam modos latebrosos et occultos totis viribus laborabant ut
ipsum armamentum per summum pontificem deberet totaliter impediri,
modo summum pontificem inducendo ut tam Venetis quam
Ianuensibus deberet sub pena excommunicationis precipere
quod armamentum dimitterent et sibi mutuo cum galeis obviam
non exirent, modo ipsi summo pontifici suadendo ut treugas
iam finitas usque ad festum sancti Michaelis auctoritas Apostolica
prolongaret, ut sic armamentum Ianuensium impediret.
sed quoniam dicit Salomon frustra iacitur rete ante oculos
pennatorum, ideo ambaxatores Ianuensium oculati
|
|