et ea corrigendi, interpretandi et declarandi et gravius et minus puniendi,
inspecta qualitate personarum, locorum et delictorum, sicut
nobis et nostre Curie in posterum videbitur expedire pro honore et
reverentia Romane Ecclesie et statu paciffico provincie et iurisdictionis
nobis commisse; super penis autem malefitiorum, de quibus in presentibus
constitutionibus mentio non habetur statuendi et disponendi
puniendi deliberationi et provvidentie ad presens congruo loco et
tempore duximus reservandum.
[XLI] Premisse constitutiones fuerunt promulgate et publicate in
pleno et generali parlamento prelatorum, comitum, baronum, potestatum
ambaxatorum civitatum et locorum et nobilium provintie Romagnole
et pleno arengo congregato in civitate Imole, in pallatio Comunis,
per magnificum et nobilem virum dominum Iohannem de Appia
totius provincie Romagnole, civitatis Bononie et comittatus Bretenorii
et pertinentiarum eorundem per Sanctam Romanam Ecclesiam comitem
et generalem rectorem; et presentibus venerabili patre domino
fratre Bonefatio archiepiscopo ravenatensi, domino Guillelmo Duranti
domini pape vicario, domino Guidone episcopo ariminensi, domino
Symbaldo episcopo imolensi, domino Malatesta de Veruclo potestate
ariminensi, domino Nicholutio domini Balugani potestate bononiensi,
domino Staldo Iacop de Florentia, domino Guidone condam domini
Lamberti de Polenta, domino Forrexio de Aldemariis potestate Imole,
domino Comacio de Galluciis potestate Faventie et multis aliis prelatis,
potestatibus et nobilibus; sub annis Domini millesimo ducentesimo
octuagesimo tertio, die tertiodecimo februarii. Indicione undecima;
pontificatus domini Martini pape quarti.
Ego Guido Aldrevandini de Ravenna, imperiali auctoritate et
nunc Curie dicti domini Comitis notarius et cancellarius, mandato
ipsius domini comitis predictas constitutiones legi et vulgariçavi in
predicto parlamento et arengo, et in presentia predictorum omnium
et eas in publicam formam redegi; et istas constitutiones exibui ad
petitionem singularis persone.
|
|