foret ad praesens super regimine Ferrariensium,
et Ravennatum, qui in nostrae fidelitatis con stantia
perseverant, necnon et aliis servitisi
nostris, in partibus Romangiae exequendis,
plurimum opportunum dignaremur eundem
R. et focerum ipsius in regno de mandato nostro
praesentialiter commorantem, relaxare de
nostra gratia speciali. Volentes itaque in his
cautius procedere, sicut decet, fidelitati tuae
praecipiendo mandamus, quatenus tuis literis
denotare procures, quid inde nostrae expediat
Majestati.
Cap. XXXII.
Quod aliquis miles recipiatur ad stipendia
Curiae.
Ad nostrae Majestatis praesentiam accedens
Jacobus de N. miles fidelis noster, Celsitudini
nostrae humiliter supplicavit, ut
cum in fide nobis fervanda, relictis omnibus
stabilibus suis, a civitate Placentina nostris rebellibus
discedendo, ad nostra servitia venerit
moraturus: et in eisdem servitiis nostris cum
dilecto filio nostro H. Illustri Rege Sardiniae,
sacri Imperii generali legato, hactenus steterit
equis et armis munitus, fideliter et devote ad
suae vitae sustentationem, cum aliis stipendiariis
nostris ipsum recipi de nostrae benignitatis gratia
mandaremus: nos ita ipsius Jac. Supplicationibus
benignius inclinati, fidelitati tuae praecipiendo
mandamus, quatenus, si memoratus
Jacobus fidelis noster armis et equis ad te munitus
venerit, condecenter ipsum inter alios stipendiarios