itaque ipsos valde persequens ex eis fere mille cepit et nasos
cum omnibus labris plus de ducentibus Veronensibus scapellavit;
item ultra ducentos etiam ex ipsis Veronensibus in arboribus,
que ibi aderant, suspendit; reliquos vero captos in tentoriis
deducens eos firmiter catenis alligavit. Ceteri namque
Veronenses omnes, qui in civitate remanserant, maxime
perterriti statim fedus cum imperatore inierunt ac magnam
pecuniam ipsi imperatori tribuentes suos, qui capti fuerant,
de carcere liberaverunt. Deinde hoc peracto imperator in
Alamaniam discessit.
Interea Mediolanenses maximam guerram cum Papiensibus
facientes, accidit, quod Mediolanensium equites et pedites
per commune ultra Ticinum ad deguastandum Lumellinam
perrexere. Papienses vero e contra ivere. Cum autem Mediolanenses
redierant, Papienses super eos irruentes maximumque
prelium inter se inientes, multi equites ex utraque parte
interfecti, plurimi etiam capti et retenti fuerunt. Tandem
Papienses, quia multo pauciores quam Mediolanenses fuerant,
resistere non valentes, usqtle ad Vigevani castrum semper
|
1
5
10
15
|