exconmunicatum publice nunciari. quam exconmunicacionem
diu sustinuit, et adhuc sustinet animo indurato.
Quare cum crescente contumacia crescere debeat et
pena, discrecioni vestre presencium tenore conmittimus, et
sub pena exconmunicacionis districte precipiendo mandamus,
quatenus per vos vel alium seu alios ex parte nostra
nominatim et expresse pro primo secundo et tercio moneatis
omnes et singulos, tam mares quam mulieres, amicos
vicinos notos domesticos et propinquos dicti R, sub
pena exconmunicacionis districte mandantes eisdem quod
nullus cum ipso R sic exconmunicato in cibo potu loquela
emendo vendendo coquendo molendo ignem vel aquam
dando vel alio quocumque modo participare presumat.
Alioquin participantes cum eo, si sic moniti infra
iiii dies non ab ipsius participacione cessaverint, quos
ex nunc per presentes exconmunicamus in scriptis, exconmunicatos
una cum predicto R quibuslibet diebus dominicis
et festivis in ecclesia vestra et alibi ubi expedire videritis,
pulsatis campanis et candelis accensis, in missarum
sollempniis coram fideli populo publice nuncietis et nunciari
faciatis, quousque super hiis nostris et ecclesie
venerint parere mandatis.
Diem vero monicionis, denunciacionis et formam, et
quidquid inde feceritis nobis per vestras patentes litteras
harum seriem continentes, vel instrumentum publicum, una
cum presentibus fideliter intimetis.
Datum etc.
g.
Cum quis diu in exconmunicacionis sentencia perseverat,
post aggravacionem huiusmodi saltim per annum,
consuevit interdum talis exconmunicatus ab officio et
beneficio suspendi, que suspensio ita scribitur.
|
|