nostram adiens celsitudinem detulit precepta precessorum nostrorum,
videlicet regum, et imperatorum, principum, et ducum, per
que detulerunt ex suis rebus in prefatum monasterium, ac confirmaverunt
res et possessiones inibi ab imperatoribus, principibus,
ducibus, reliquisque Christi fidelibus conlatas. unde iam dictus
abbas nostram exoravit clemenciam, ut eadem precepta ac legales
scripciones, nec non predia, per diversos fines Italici regni coniacencia,
eidem cenobio conlata, per nostre confirmacionis pragmaticum,
in prefatum venerabilem locum concederemus et confirmaremus.
cuius dignis peticionibus faventes, pro Dei amore animeque
nostre remedio, per hoc confirmacionis preceptum, prout iuste et
legaliter possumus, concedimus, et confirmamus, atque corroboramus
in predicto cenobio Sancti Vincencii martiris omnia precepta precessorum
nostrorum, imperatorum, et regum, verum eciam omnes
res et possessiones, per diversa loca regni Italici positas, per eadem
precepta, vel quolibet legali titulo scripcionis a principibus, ducibus,
reliquisque Christi fidelibus ibidem conlatas). (nam primitus manifestamus
ipsas hereditates, que circumdant iam dictum cenobium,
in Samnie partibus, has fines habentes: a Sangro quoque fluvio,
|
|