vestrum confidentius inplorando. Hinc est quod vestre
significamus nobilitati quod.»
«Tanta inter vestros et nostros predecessores viguit dilectio
pura ut quod vestris placebat nostri omnimode diligebant et
sic unitatis et dilectionis vinculo iuncti de inimicis sepe
sepius habuerunt triumphum. Nos autem eorum vestigia
ymitare volentes pacem et societatem vobiscum volumus
iuramento firmare ut pacis et dilectionis nodo coniuncti
inimicos multipliciter expugnare possimus. Quocirca.»
«Velut a vestris sepius accepimus antiquis in tantum se ad
invicem vestri cum nostris predecessores dilexerunt quod
non extranei sed consanguinei videbantur et cives. Nos
autem antiquorum vestigia sequentes vos in quantum
possumus omni tempore affectamus honorare. Quapropter.»
«Quot et quanta vestris antecessoribus et vobis contulimus
obsequia grata, a nobilitatis vestre memoria non credimus
excidisse, quia quotiens nos ad vestrum servitium appellastis
et honorem, animo gratulanti venimus pro posse parati.
Quocirca.»
«Quia vestram amicitiam et societatem affectamus omni
tempore observare illesam eam volumus iuramento firmare,
ut dilectionis et iuramenti vinculo stricti et nostra bona
de bono in melius augmententur. Quapropter.»
«Quot et quanta comoda de concordia et pace inter nos habita nos
et vos consequemur vobis credimus omnimode
fore manifestum quia non sunt due in his partibus civitates
inter quas magis quam inter nos adiaceat amor. Eapropter.»
«Cum vobis velut amicis et dominis omni tempore
serviverimus et in his que vobis grata fuere benignum
praebuerimus asensum, cum magna fiducia ad dominabilem
vestram amicitiam recurrimus quotiens nobis vestrum
auxilium fuerit oportunum. Quapropter.»
|
|