qui correptionis causa fuerant contristati, et Patrem
misericordiarum ait, propter diversa peccata, et ut
cognosceretur per misericordiam reformare
poenitentes.
2. LANFR. Qui consolatur nos . Per hoc jam ostendit
consolatoriam esse Epistolam; vult enim omnibus
consolari, et illis contristatis, et illi abjecto qui
uxorem patri abstulerat; et propter hoc dixit: Pater
misericordiarum et Deus totius , etc.
3. Pro vestra exhortatione . Quamdam causam tribulationis
suae supponit, ut videlicet Corinthii
exemplo ejus provocati exhortentur ad ferendum
tribulationes, et sic salutem sempiternam
consequantur.
4. Quae operantur tolerantiam . Spes salutis aeternae
operatur tolerantiam, id est, patientiam in servis
Dei, quia propter ipsam adversa tolerantur.
5. Ut spes nostra . Cum principalis causa tolerantiae
illorum dicta sit salus aeterna, aliam causam supponit,
ut videlicet spes sua, quam pro his habebat,
firma appareat.
6. AMBROS. Non enim volumus . Ideo passiones
pressurarum indicat, ut ostendat quae mala, causa
salutis eorum patiebatur; ut non gravius ferrent, si
ab illo corriperentur, qui tam aspera pro illis
tolerabat.
7. LANFR. Non enim volumus . Exponit quod superius
dixit; Sive autem tribulamur . Et quod posterius:
Sicut socii passionum , etc.
8. Quae facta est in Asia . Non de ea Asia loquitur
|
|