et quo tempore fuit hoc. [capitula tertie partis]. tertia
pars continet quare tali nomine fuit insignita. et ista
pars habet. .IIIIor. capitula. in primo capitulo ponitur opinio
illorum, qui dicunt quod vocata est Ianua tam a Iano rege Ytalie,
qui ipsam edificavit, quam a Iano cive Troie, qui ipsam
ampliavit. in secundo capitulo ponitur opinio illorum, qui dicunt
quod vocata est Ianua a Iano, simulacro Romanorum, quod antiquitus
in Ianua colebatur. in tertio capitulo ponitur opinio
illorum, qui dicunt quod vocata [est] Ianua, ex eo quod est
porta et introitus in Lombardiam. in quarto capitulo ponitur
ratio quare fere in omnibus libris antiquis Genua vocatur.
[capitula quarte partis]. quarta pars continet quo tempore civitas
Ianue ad fidem Christi fuit conversa. et ista pars habet tria
capitula. in primo capitulo ostenditur quod totus mundus ydolatrie
serviebat. in secundo capitulo ostenditur quod Ianua
fuit prima vel una de prioribus civitatibus Ytalie, que ad fidem
Christi fuit conversa. in tertio capitulo ostenditur illud idem
per rationem. capitula quinte partis.
Quinta pars continet statum triplicem, quem secundum varieatem
temporis habuit civitas Ianue. et ista pars habet tria capitula.
in primo capitulo agitur qualis et quanta fuit in statu sue
inchoationis. in secundo qualis et quanta fuit in statu sue
progressionis. in tertio quanta et qualis fuit et est in statu sue
perfectionis. capitula sexte partis.
|
|