impleto imponat sacerdos thus et incenset ignem. Tunc accendatur
cereus, quem portare in hasta debet secretarius. Accendatur et candela
in laterna, ut si forte in eundo exstinguatur cereus ex ea accendatur; hanc
laternam portare debet unus de magistris puerorum.
Ad hanc processionem candelabra non portantur. Eumdem ordinem
seruent in redeundo, quem habuerunt in eundo. Reuertentes dicant hos
psalmos: Deus in nomine tuo. Miserere mei deus miserere. Deus misereatur
nostri. Deus in adiutorium . In sede episcopali canatur a duobus pueris
ymnus Inuentor rutili . Ignis sanctificatus qui in claustro remansit a famulis
celerarii colligatur et ex hoc igne omnes foci in omnibus officinis prius
exstincti iterum accendantur. Plurima monachorum coenobia faciunt hanc
ad sanctificandum ignem processionem in quinta feria et sexta secretario
praeferente cereum in hasta uel uirga in quinta feria, priore in sexta,
abbate in sabbato.
<DE BENEDICTIONE CEREI.> Processione in chorum reuersa sine candelabris
et thuribulo sacerdos indutus casula procedat ad altare. Diaconus uero
stola et dalmatica indutus ueniat ante abbatem et petat ab eo benedictionem.
Dehinc uadat ad cereum et benedicat eum nec ante benedictionem
nec post benedictionem ante et retro faciens. Unus autem ex
conuersis cum tempus fuerit, indicante cantore deferat abbati ignitis
carbonibus plenum thuribulum; in quo thure iniecto accedat ad
diaconum et iuxta eum sit, ut cum tempus fuerit accipiat diaconus ab
eo thuribulum et incenset cereum. Secretarius vero sit paratus, ut cum
dictum fuerit Rutilans ignis accendit , statim accendat cereum.
<DE LITANIA ET MISSA ET UESPERIS.> Benedictione peracta diaconus
deposita dalmatica et stola ad suum locum in chorum reuertatur. Cereus
uero non exstinguatur usque in crastinum post Uesperas. Lectiones statim
inchoentur. Sacerdos absque diacono dicat orationes ad altare sicut sunt
|
|