in Rivum Nigrum, et in suprascriptam criptam Fornicariam. Et
recepit similiter permutationis vice res huius monasterii quas in
hoc monasterio per cartam proprietatis concessit Todinus filius Beraldi
in comitatu Reatino, quarum fines sunt: a pertinentia Civitellę
usque in cacumina montis, inde revertentes per pertinentiam Casalicis
et collis Gaimari, pergentes per flumen Mellinum, et ad priorem
finem; inter quos sunt castella tria, idest Aspra, Lunianum, et podium
Sancti Maximi. quod si omnes suprascriptas res et castella
cum ecclesiis et monasteriis vel cunctis eorum pertinentiis
nobis retollere ipse aut sui heredes pręsumpserint, aut si litem
aliquam inde exercitaverint, componant in hoc monasterio nomine
pęnę .CC. libras auri purissimi, et hę commutationes permaneant
firmissimę.
Anno Christi millesimo .XCIII., indictione .I, mensis martii
die .V., Oddo filius Iohannis rogavit cartam proprietatis de castro
quod vocatur Maccla cum omnibus suis pertinentiis in hoc
monasterio Sanctę Marię et domno B[erardo] abbati et eius
successoribus in perpetuum. eodem quoque anno et mense
suprascripto Octavianus comes filius Iohannis Oddonis optulit
et donavit in hoc monasterio et domno B[erardo] abbati eiusque
successoribus in perpetuum medietatem castri quod dicitur Caminata
cum omnibus adiacentiis eius et ecclesiis; exceptavit turrem
illius quam teneat filius eius et cartam de ea faciat in hoc
monasterio tali tenore, ut sine fraude et damno istius monasterii
teneat eam, et si damnum aut fraudem fecerit contra istum monasterium
et eius ministros, perdat ipsam medietatem predictę Caminatę
et habeat illam Sancta Maria. terram vero quam in
pignus posuit fratri suo recolligat pars Sanctę Marię si voluerit,
et det pro illa libras .XXV. in festivitate sanctę Marię et alias
|
|