penes vos merita nostro rogatui non obsistant,
uxorem et filios, quos in partibus ipsis habet,
ipsos ad praesens sine impedimento transfretare
vestra serenitas patiatur. Vel si forsan id
exigente qualitate negocii voluntati vestrae non
consonat, eundem paratum vestris inhaerere
servitiis, ne culpae suae gravitas aditum procludat
veniae, et reconciliationis unguenta respuat,
post reatum, praesentis nostrae hortationis
obtentu, et nostri amoris intuitu,
ad vestri favoris gratiam revocetis.
Cap. XXX.
Cuidam fideli suo, ut in continenti veniat
ad Curiam.
Praesentiam tuam, pro quibusdam Excellentiae
nostrae servitiis, utilem reputantes,
fidelitati tuae precipiendo mandamus,
quatenus receptis praesentibus, in continenti
ad Curiam nostram festinus accedas,
in nostris servitiis moraturus.
Cap. XXXI.
Manuello et aliis fidelibus suis, ut non
acquiescant inanibus verbis cujusdam infidelis sui.
Licet N. qui in nostra Curia moratus
est, non suis meritis hactenus, sed fidei
et servitiorum vestrorum intuitu, plenae