Devotionem vestram requirimus, et
monemus, quantus si praedictorum
bullae aureae, vel sigilli munitae signaculis
ad vos aliquae literae sub nostri nominis titulo
pervenirent, fidem eis stabilem vestrae
mentis constantia cum fidei robore
careant, adhibere cujusquam vos suggestio
non seducat.
Cap. XLII.
Fidelibus suis de victoria habita contra Parmenses
post expugnationem suam.
Casualis vindictae seu potius victoriae
nostrae plene principium, quod post sinistrum
castrorum nostrorum combustionis
eventum nobis divina potentia, solita
nostris adesse suffragiis, de navali Mantuanorum
rebellium depressione contulerat praecedentis
ad vos literae nostrae stylo commisimus:
ut coram vobis totius rei seriem veritas
descripta dissereret, quam fama diversis
discussa relatibus potuerat variasse. Nuper autem
quod [pugnans pro nobis manus altissimi
titulis nostris undique victoriam gratae prosecutionis]
adjecerit, [fidelitari vestrae] tenore
praesentium reseramus: pridem dum collectis
undique viribus nostrorum fidelium, quorum