amico, et justitiae zelatore, in Dei Ecclesia
substituto, ad honorificentiam novi patris, devotus
filius assurgamus, dummodo praedecessoris
crimen et odium non sequatur,
ei omnimodam benevolentiam, defensionem
et patrocinium impensuri, ad tuitionem
catholicae fidei, et ecclesiae libertatis.
Cum ad hoc, disponente Domino, Imperii
sceptrum susciperemus, et Romanum Imperium
nostrum ad praedicationem Evangelii
sit praeparatum, ut Catholicam fidem, et matrem
Ecclesiam, a cunctis hostium incursibus
[nostrarum virium conatibus] eruamus.
Praesertim cum ex occidentalibus partibus Tartarorum
hostis adveniat, qui destructis
partibus cujusque regni, per quas
transitum habuerat, et diversarum multitudine
gentium conculcata, ac copia populorum
funditus abolere satagit, tam nomen,
quam cultores fidei Christiae cui de providentia
novi patris Romani substituendi pontificis,
adsistente nobis potentia regum, et principum
orbis terrae, magnifice disponimus obviare.
Adsumentes fiducialiter caussam Dei,
qui nostros de medio auferet inimicos, ut expositas
ad ejus servitium impedire nequeant
vias nostras. Vos igitur divinae provisioni,
ac nostris affectibus devoti, et hilares adsurgentes,