Heu, quam sancta Fides terris, quantum optima Christi
munera dissipiunt! Non caeli gaudia nostros
afficiunt animos, nec dultia praemia mentes,
pectora nec requies, cum tot dent proelia Troes
crebraque tot nobis totque impia vulnera totque
funera et actonitos duro sub Marte Quirites
totque duces, proceres urbesque in pulvere ductas
et populos servos, consumptis menibus, et sit
extinctum imperium! Non impia Genua scaevos
Christi hostes putat esse suos: favet improba rebus
et pretio exultans favet auxiliaribus armis,
solaque de tantis venientem ad proelia Teucrum
adiuvat et letos ostendit ad omnia vultus
datque opibus captis ducibus contraria nostris.
|
45
50
|