Plerosque etiam milites ac pedites cum gladio tum inter
fossata precipitando interfecit. Et supra pontem fossati dum
acriter imperator inter hostes preliaretur, equus eius ibi
confoditur et ipse aliquantulum vulneratus est. Tandem
tamen Mediolanenses intra portas se recipiunt et magna pars
ipsorum in ecclesiam sancti ... confugiunt, non valentes
accedere ad pontem; et in ipsa ecclesia, tum quia fere nox
erat, tum etiam quia non poterant expugnari nisi per ostium
ecclesie, viriliter se defendentes illesi permanserunt.
Imperator igitur cum suis militibus ad castra cum ingenti
gaudio revertitur; et sequenti die Mercurii prope Sanctum
Donatum castrametatus est, segetes Mediolanensium quotidie
devastans. Deinde proximo die sabbati prelio commisso
inter Teutonicos et Mediolanenses ante portam Mediolani
tres milites Mediolani interfecti sunt, scilicet Cazaguerrae de
Sorexina et filius Guarnerii Grassi et quidam alius.
|
1
5
10
15
|