quasdam dispensationes insignes,
praeterire silentio non valemus, per
quas Sybillam natam Comestabulis
regni Cypri, contra separationis sententiam
super haec per Episcopum latam,
de non habitando simul praestito
sacramento, Galliono de N. et N. sororem
Ioannis de Caesarea, Iacobo de N. qui
prius sororem suam desponsaverat proditoribus
nostris, sibi gradu tertio contingentibus,
invicem concessit uxores, percepta non multa
pecuniae quantitate: verumtamen quod
quantitati vel numero defuit, odii nostri qualitas
excompensavit. Defectum itaque et
praevaricationem ipsius in illo dolemus, quod
contra nos nobiles et potentes Romanos, sibi
satellites et fautores acquirat, effusione pecuniae
non contentus, ipsius castra et possessiones
sanctis patribus, devotione pia fidelium
donata, Romanam Ecclesiam nostro patrocinio
commendatam, dilapidando largitur.
Itaque non miretur universalis Ecclesia,
nec reges aut principes, et populi Christiani,
si nos talem sententiam judicis non veremur,
non in contemptum papalis officii, vel Apostolicae
dignitatis, cui omnes orthodoxae fidei
Professores, et nos specialiter prae caeteris fatemur