Guido Faba: Epistole

386


Indeque vobis committimus et mandamus, quod
talem servum nostrum non tardetis manumittere vice nostra,
ita quod civis Romanus existat, et nulla servitutis catena de
cetero teneatur.
LVIII.
De fratre ad fratrem super alienando predio.
Circa rem familiarem servandam laudabiliter et augendam
habens non immerito sollicitudinem diligentem, vestre significo
probitati, quod de tali campo longe posito ab aliis nostris
locis, qui, prout scitis non est fertilis, immo quasi sterilis fortiter
et aquosus a tali, ratione suarum possessionum circumpositarum,
habere possumus C. lib.; que venditio bona et magna
reputatur ab omnibus convicinis. Unde, si de vestre discretionis
voluntate procedit quod distrahatur pro tanto pretio res
prefata, mihi significare litterali descriptione presentialiter
procuretis, scientes quod huiusmodi alienatio utilitatem afferet
gratiosam: nam alibi possumus nostram pecuniam melius
collocare.
LIX.
Responsiva ad predictam.
Vestra fraternalis cognoscat dilectio vestreque commendabili
pateat probitati, quod alienatio nobis placet quam de
nostro, ut intimastis, predio potestis facere competentem; et
discretionem vestram de multa prudentia multimode commendantes,
presentem assensum future distractioni prestamus; vos
prout possumus deprecantes quod, si effectum habebit venditio
nominata, ipsos denarios investire debeatis de consilio amicorum,
emendo vineam seu terram nobis magis idoneam ac etiam
fructuosam.

Torna all'inizio