Vel sic: retulit mihi notario infrascripto, se citasse
predictum R ipsius domni et vìcinis, cum personam eius
inveniite non posset, secundum formam mandati superius
sibi facti.
D .
Licet de iure sic esset primo preceptum et postmodum
relacio conscribenda, consuetudo tamen est in romana
curia quam alibi ubi fui, ut sola nuncii relacio conscribatur.
et nunquam vidi contra hoc obicere. nec credo,
quod contra hoc obiciens — repugnante dicta consuetudine
— audiretur. quantum in citacionibus. secus autem esset in
aliis mandatis que per nuncios sepe fiunt.
E .
Relacio quidem facta per nuncium — nulla scriptura
mandati sibi facti precedente — sic scribitur.
Alia relacio nuncii.
Iohannes de Cantuaria, nuncius domini archyepiscopi,
retulit mihi notario infrascripto, se de mandato ipsius domini
archyepiscopi specialiter sibi facto citasse heri R de
tali loco personaliter inventum, vel ad domum in qua habitat
vel habitare consuevit, ut die lune proxima, si curia
fuerit, alioquin proxima die curie tunc sequenti — vel
sic: ut die lune proxima, si dies feriata non fuerit, alioquin
proxima die iuridica tunc sequenti — peremptorie
conpareat coram eo per se vel responsalem ydoneum, P de
tali loco super quibusdam decimis pro quibus contra eum
intendit agere, et rebus aliis, vel super quadam summa
peccunie quam ab eo intendit petere, vel super manuum
iniectione per ipsum R in personam ipsius P clerici temerarie
facta, ut dicitur, et rebus aliis de iusticia responsurus.
Alioquin etc.
F .
Notandum est, quod relacio citacionis facte per nuncium
secundum modum premissum semper debet tria tempora continere.
|
|