Iohannes de Capua notarius m. 1292: Caroli II regis epistolae per Iohannem Capuanum

Pag 155


ac presentiam nostram in regnum grandis exercitus comitiva stipatam
pre foribus pollicemur. Vos autem, princeps eximie, gloriose fame vestre
preconia pretiosis actibus attollentes ac memores aviti sanguinis et paterne
virtutis, felicia castra vestra, turpiter retrocedere nescia, roboretis, ac de
partibus ipsis usque ad adventum nostrum nullatenus recedentes, quinimmo
in hostes animosius insurgentes, viris vestris fortissimis firmissimam
spem prebete, quod, Illius superni Regis favente clementia, qui lacessitam
in nobis hactenus causam suam votivis successibus exaltat et provehit,
vicinus finis labores quoslibet auferet, et potentis excellentie nostre presentia
hostium cervices et cornua conteret et confundet.

Torna all'inizio