depositus, in potestate abbatis est ad regulariter corrigendura datus.
prenominatus vero Roffredus comes, dum vellet sibi ius suprascripte
celle vendicare, relatis litteris domni pape Leonis, ac noticia
nunciorum imperatoris Ottonis, testimonioque predictorum
archiepiscoporum, Humberti videlicet, Petri atque Vodalrici convictus,
nec non et anathematis, peneque mille aureorum mancosorum
reus adiudicatus, prefatam cellam in manu pape refutavit,
seque, suosque heredes quod pro ea numquam contra monasterium
Beati Vincencii aliquo modo agerent, perpetualiter sub prescripta
pena obligavit. his ita gestis, reverentissimus papa Iohannem
abbatem Sancti Vincencii ex eadem Sancte Marie cellam, in perpetuum
investivit. omnes huius investicionis, ac constitucionis
violatores cum prenominata pena perpetuo anathemate obligavit.
Quod [.....] verius credatur huic pagine manu propria subscripsit,
sua bulla insigniri iussit. † Ego Nicolaus Sancte Romane
et apostolice Sedis presul confirmavi. † Ego Humbertus dictus episcopus
Sancte Ecclesie Silve Candide interfui, cognovi et subscripsi.
Ego Alfanus gracia Dei Salernitanus archiepiscopus interfui et subscripsi.
Sergius archiepiscopus Neapolitanus. Ego Iohannes archiepiscopus
Surrentinus. Ego Bonifacius dictus episcopus Sancte
Ecclesie Alvanensis interfui. † Ego Gualdaricus Dei gracia Beneventanus
archiepiscopus interfui. Ego Petrus gracia Dei Sancte
Amalfitane Ecclesie archiepiscopus interfui.
|
|