amor sui excecans in clade intrusit, Dei iudicio
et opera romani pontificis Clementis
quinti eorum excessibus lacessiti. Est et quartus
portus aque marine inter portum Primarii
et portum Volane, qui dicitur portus Maiavace
ditionis comaclensis, per quem portum transitur
de mari per paludes salsas et penetratur
magnis spaciis profundorum canalium
usque in villas districtus Ferrarie.
[VI] Ferrariense territorium in quatuor
principales partes secernitur Pado secante.
Prima est versus boream, que dicitur policinum Ficaroli,
que habet longitudinis ab Hostilie
finibus usque in mare Adriaticum ferme millia
passuum .lx., latitudinis vero circiter .x. Huius
ad meridiem sunt Padi et rupte Ficaroli fluenta, a borea
sunt paludes Clugie et Adrie quondam civitatis,
territorium Rodigi, paludes Lendenarie et Verone.
Hec pars in se continet insulas plures non magnas,
quarum maior est illa que nominatur a
villa Gurzonum. Secunda secluditur a prima
alveo rupte Ficaroli, que incipit
ubi Padus scinditur et finitur versus orientem ad Gauri
fluenta. Hec pars triangula undique aquis cingitur
Padi, habens longitudinis millia passuum
|
365
370
375
380
385
|