accensus, contra pestiferas prędictorum fratrum Morici scilicet et Carbonis
machinationes potenter se erexit. sepe de ipsis sacrilegis Ecclesię Dei ac
Genitricis eius invasoribus nobis reclamavit. sepe nichilominus ipsum venerabilem
abbatem et eosdem scelestos, datis finiendę litis terminis, in nostri
pręsentia ad iudicium legaliter vocavimus. advenientibus autem terminis,
abbas iustitiam et satisfactionem recepturus in nostri pręsentia affuit; sed dignam
perpetrati sceleris sententiam et proscriptionem metuentes, reproborum
fratrum neuter venit, sed in consueta pravitate contumaciter perseveravere.
deinde pręfatus abbas, Deo cęlitus et eius sancta Genitrice victoriam sibi
administrante, vindex pręteritorum malorum potenter extitit, contra eosdem
hostes pręvaluit, ipsosque de bonis ipsorum omnibus prorsus exhęreditavit.
quapropter, quomodo ultione divina ac iudiciali censura declaratum est, prędictorum
rebellium possessionem et proprietatem pręfatę ecclesię iure in
omnibus deliberavimus sive censuimus possidendanl, ita ut a modo liceat
prędicto abbati eiusque ecclesię quiete et libere ac sine aliquo pręiudicio
rectoribus procurare nefandorum prefatorum possessionem et proprietatem.
auctoritate itaque domni imperatoris pręsentis serenissimi Heinrici, et eidem
sacro cęnobio antiquitus imperiali vel apostolica statuta in pręceptis seu privilegiis
censura, pręcipientes iubemus ut nullus deinceps marchio, comes, vicecomes,
vel aliqua magna parvaque persona prędictam ecclesiam molestare
vel inquietare in prędictis bonis pręsumat. quod si aliquis forte contra hęc
statuta ire pręsumpserit, .C. libras auri componat, medietatem prędictę ecclesię,
et medietatem [vero] camerę nostrę. quod ut ratum et inconvulsum tam apud
posteros quam apud pręsentes iugiter permaneat, manu propria hoc signum
huic paginę impressimus et nostri sigilli impressione consignari pręcipimus.
Rainerius Iohannis de Rainerio patronus scolcę sandalariorum,
pro se et pro Petro de Rosa priore dictę scolę et pro omnibus
scolensibus minoribus et maioribus, firmavit Petro pręposito et
Beraldo abbati huius monasterii et eorum successoribus in perpetuum
portum Currisem et usum antiquum, et si damnum aliquod
evenerit hominibus abbatię et ipsi compellati fuerint per duas
vices inter spatium quatuor mensium, emendare faciant nobis, et
si ipse qui damnum fecit emendare noluerit, dabunt nobis licentiam
capiendi tantum de ipso quantum damnum est.
|
|