quibus mortui sumus, lex Moysi intelligenda est,
quibus quasi elementis, et religionis exordiis Domini
discimus quomodo elementa appellantur litterae,
per quas, syllabas ac verba conjungimus, et ad
texendam orationem procedimus: sic elementis
Veteris Testamenti ut ad Evangelicam plenitudinem
veniat, sancti viri eruditur infantia.
27. LANFR. Ab elementis . Elementa vocat has
visibiles creaturas, quae in tota universitate partes
mundi sunt. Si, inquit, cum fidem Christi acceperitis,
mortui, id est, separati estis ab abstinentia
creaturarum mundi, Judaico ritu abstinebatis, quid
adhuc tanquam viventes in eadem creaturarum
mundi abstinentia Judaico ritu decernitis dicentes:
Ne tetigeritis, neque gustaveritis , etc. Potest etiam
intelligi cum [ f ., de] Christo, quasi diceret: si mortui
estis sicut et Christus, id est, et Ecclesia
Christi.
28. Et ad non parcendum corpori . Quae, scilicet
carnes suillas non esse comedendas, constituta sunt
ad non parcendum corpori, ut corpus affligatur;
cibo enim substracto corpus affligitur. Vel non sunt
constituta ad parcendum corpori, hoc est ad providendum
corpori nostro; cum enim a mortiferis cibis
abstinemus, corpori nostro providemus. Sed propter
hoc non abstinent Judaei ab hujusmodi carnibus;
nec ideo quod honestius possit saturari aliis quam
prohibitis carnibus.
CAP. III.—1. AUGUST. ( Cont. Faustum lib. XI,
cap. 7, sub finem.) Igitur si consurrexistis . Non
utique resurreximus sicut Christus, sed tamen secundum
spem quae in illo [ al ., nobis in illo] est, jam
nos cum illo resurrexisse testatus est.
|
|