Benzo Albensis : Ad Heinricum IV. imperatorem libri VII

Pag 630


Qui in mundo possidetis terrarum potentiam,
Ne portetis hinc euntes rerum indigentiam,
Vos precedere iubete vestram affluentiam.

Quę post obitum sequantur fuerint paucissima,
Plurium quidem heredum constat spes vanissima.
Cogitate, cogitate de die novissima!

Omnes quidem exituri de carnis mapalibus
Oleum deferant secum in suis lampadibus;
Ianua namque cęlestis aperitur talibus.

CAP. V.


Amantis est officium
Reprehendere vitium
Eius, quem multum diligit
Et quem errare prospicit.

Errantem qui non revocat,
Ut magis erret, provocat;
Sanguinis reus fuerit,
Nisi cautum reddiderit.

Torna all'inizio