Igitur Athenienses nobiles nati Proculus, Efibus et Apollonius,
scolastici uiri, cum apud Grecos Latina studia desiderassent, apud
Cratonem ciuem suum, oratorem utriusque linguae, in urbe Roma
hospitabantur, huius et magisterio et hospitio fouebantur. Factum
est autem, ut unicus Cratonis filius, Cerimon nomine, iuuenis scolasticus,
sic incurreret egritudinem ut, incuruatus dorso, caput habens
inter genua remaneret. Cumque omnes pene medici, qui in
urbe Roma erant, nulla ei possent ratione succurrere, extitit quidam
Fonteius tribunicius, qui diceret ei istam passionem acrius suo
euenisse germano, et curatus esset a quodam sancto Valentino episcopo,
qui est Interamnae urbis ciuis, et hortatur transmittere ad
eum. Denique ipse puer, ex quo curatus est, non illum deseruit,
|
|