mangani ligna illesa permanserunt. Cremenses etenim per
fossatum ipsius castri cum naviculis et rampinis ferreis euntes,
suos, qui in fossatis necati fuerant, quos invenire potuerunt,
lugendo ac maxime se contristantes foras extraxerunt.
Preterea imperator gattum maximum, cuius par nec similis
unquam visus fuit, usque supra fossatum ipsius castri et una
cum alio minori gatto ducere fecit fossatumque ipsius castri ex
terra impleri precepit. Sed cum nimis grave ex sola terra
fossatum impleri videretur, venit ipsemet imperator Laude
petiitque Laudensibus in concione publica, quatenus ipsi
Laudenses pro eius amore vegetes, si quas haberent vacuas,
quas sibi sine ipsorum incommodo dare possent, ei tribuerent
ipsasque etiam Creme deferre facerent. Laudenses namque
omnes leti magno gaudio se multas ei daturos statim spoponderunt.
Alio namque die predicti Laudenses plus de
ducentis vegetibus ad imperatorem Creme duxerunt. Imperator
itaque omnes ex terra impleri precepit; posteaque in fossato
castri ita plenas proicere fecit sicque super ipsas terram et
ligna, que Laudenses plus de duobus milibus plaustris ei
traxerant, iactare precepit et ita viam predicto gatto facere
destinavit, per quam ipse gattus usque ad murum ipsius castri
destruendum facile ire seu duci potuisset. Gattum igitur, via
|
1
5
10
15
20
|