adiens celsitudinem detulit nobis precepta precessorum nostrorum
imperatorum, videlicet Desiderii, Caroli, Lodovici, atque Lotharii
per que contulerat ex suis rebus in prefatum monasterium, ac confirmaverat
res, et possessiones ibi a principibus, ducibus, reliquisque
fidelibus collatas. Unde prefatus abbas nostram exoravit clemenciam,
ut eadem precepta, ac legales scripciones, nec[.....] predia per
diversos fines regni Italici coniacencia, idem cenobio collata, per
nostre confirmacionis preceptum in prefatum venerabilem locum
confirmaremus. Cuius peticionibus faventes, pro Dei amore, animarumque
nostrarum remedio, per hoc nostre confirmacionis preceptum,
prout iuste, et legaliter possumus, confirmamus, ac penitus
corroboramus in predicto cenobio Christi Martiris Vincenciis
omnia precepta precessorum nostrorum imperatorum, et regum, seu
parentum nostrorum, videlicet Desiderii, Caroli, Ludovici, atque
Lotharii, verum eciam omnes res, et possessiones per diversos
fines regni Italici positas per eadem precepta, vel quolibet legalis
titulo scripcionis a principibus, ducibus, reliquisque fidelibus ibidem
collatas, nec non monasteria et cellas inferius nominatas: monasterium
siquidem in honore) Sancte Dei genitricis Marie, posita
|
|