225
51 Qui, dum sacrificaret et libamen in eo funderet, et ex
more populum communicaret et calicem labiis propinantium
preberet, tanta uirtus in eo iacebat, ut, si centum milia adessent
homines, sufficeret ad potandum, nulli ministrorum augere
aut fundere aliquid postea concedebatur. 52 [ ] 53 Nam et
ipse calix usque hodie diligenti cura custoditur; et die Natalis
eius a ministro producitur, catenulis aureis et gemmis ornatus,
eo quod ansulas habebat.
54 Beatus autem episcopus Iuuenalis, postquam Deo innumeros
acquisiuit filios, ut sui agonis fructum perciperet, post
septem aristas de hac luce subtractus celestia regna fruiturus
ascendit; ad cuius exequias omnis turba merentium christianorum
confluens lachrimabili uoce plorabat, ita ut aera magnis
impleretur questibus et uocibus multorum; cuius sanctissimum
corpus tandem consolata phalanx sacerdotum et clericorum
collegerunt et locum diligentissime diuersis odoribus perunxerunt;
et sic demum pulchris indutum linteolis sepulturae
honorificae tradiderunt ad Portam Superiorem, Via Flamminea,
miliario ab Urbe quinquagesimo quinto, sub die septimo
Iduum Augustarum. 55 Cuius Natalis celebratur quinto
nonas Magii, quo die et Sanctae Crucis domini nostri Iesu
Christi colitur inventio, quae ab Helena augusta, matre Constantini
principis, facta est, prodente Iuda, qui nunc Cyriacus
uocatur, Caluariae in loco.
56 Sed silentio non est tegendum, fratres karissimi et filii
sanctae Ecclesiae, quae et quanta mirabilia per eum Dominus
ostendit. 57 Ipse enim adhuc iuuenis, cunctis fidelibus suae
diocesim conuenientibus, asseruit per uisionem ammonitum se
fuisse, ut pro puppi, quae ui mari impellebatur, ne mergeretur,
Dominum exoraret; quod postea exitus rei edocuit hoc
modo. 58 Nauigantes autem quodam tempore uiri famosissimi
|
|